Kiwa dang yoh COVID-19 ha India da em biang ki palat 2 lak ngut la 4 sngi wa ynne ka sngi heiwa ha kini ki 24 kynta da em ki 2,61,500 ngut kiwa dang yoh iwa man leh iwa boon dooh ha ki chi sngi. Kiwa dang chait da em ki 1,38,423 ngut, kiwa dang yap 1,501 ngut iwa mut wa kiwa dang em ya uni u khñiang da ku ki da 1,21,576 ngut.
79% na kiwa dang yoh toh kiwa em ha ki 10 tylli ki jylla kiwa boon dooh ha Maharashtra 67,123 ngut, Uttar Pradesh 27,334 ngut, Delhi 24,375 ngut, Karnataka 17,489 ngut, Chhattisgarh 16,083 ngut, Kerala 13,835 ngut, Madhya Pradesh 11,269 ngut, Gujarat 9,541 ngut, Tamil Nadu 9,344 ngut wa ha Rajasthan 9,046 ngut.
Ha kini ki 12 sngi ka Positivity Rate namo katwon ngut kiwa yoh ya uni u khñiang na kiwa chah Test da ku ko naka 8.00% cha ka 16.69% hawa nujor won wa u bnai wa dep (March) wa uni u bnai (April) nadooh ka 11 tarik hadooh ka 17 tarik, ka Positivity Rate da ku ko naka 3.05% cha ka 13.54% kawa ku boon dooh ha Chhattisgarh da 30.38%.
Ki jylla wa boon dooh kiwa dang em ya uni u khñiang toh ha Maharashtra 6,49,563 ngut, Uttar Pradesh 1,70,059 ngut, Chhattisgarh 1,30,400 ngut, Karnataka 1,19,179 ngut, Kerala 80,342 ngut, Tamil Nadu 65,635 ngut, Madhya Pradesh 63,889 ngut, Delhi 61,005 ngut, Gujarat 55,398 ngut wa ha Rajasthan 53,813 ngut.
Waroh kiwa da chait hapoh ka ri da em ki 86.62% kiwa em 1,28,09,643 ngut, kiwa dang em ya uni u khñiang da em ki 12.18% kiwa em 18,01,316 ngut, kiwa yap 1.20% kiwa em 1,77,150 ngut, deilang dapoi 1,47,88,109 ngut kiwa da dep yoh ya uni u khñiang hapoh ka ri.
Heiyatoh won wa i e dawai yada COVID-19 hapoh ka ri, da dep wow e la 12,26,22,590 sien heiwa ha kini ki 24 kynta da e 26,84,956 sien.
