Ynne ka sngi ki dkhot ka JSU-Jowai Circle wa ki dkhot ka JSM Western Region da ksoh ki ya ki baar jylla ki wym em kot em sla kiwa wan psiah chapoh chnong Mihmyntdu, West Jaiñtia Hills.
Ya kini ki baar jylla da ksoh katwa dang thmu ki wow wan dai tiar cha yung ki bru hapoh ka chnong Mihmyntdu wei ki dkhot kini ki ar seiñ da chem ki wa kini ki bru ym em ki ya ki kot ki sla wei wot ka Test COVID-19 chwa wow psiah cha ka jylla, wei neiliang ki seiñ da phah liwan ki ya kini ki bru na i thaw wa wan ki.
Neiliang ki ar seiñ da beiñ joor ki ya ka sorkar wa ymye ko wow khoom u kdoh yei wan psiah ki bru na baar jylla ha kam kini ki por wa da sdang biang ka khlam COVID-19 wei ym biang i pait yei psiah i mih ki bru na baar jylla.
Kani toh katkam ka Wyrta na u Aplang Lamare uwa man u President ka JSU-Jowai Circle wei kam u Vice President ka JSU-Central Body.
