Kiwa chong dai madan ha ki thaaiñ Khyndailad da dap ki dei chrai ynne i step, hadien wa da chah khang ki ha ki bor pynlai District wow wai dukan wei wow sai ya ki mar chwa wow sdang ka yaw, tangwa da pynbait won yeini hadien wa pynsakhiat ki wa dadep phah Test ki wa da lait ki na u COVID.
Ki bor District ka East Khasi Hills da phah ki ya waroh kiwa dai madan wow leh Test ki ya ka khlam COVID-19 ha ka 17 tarik, deiwa maham wa ya ki wym em leh Test ym chah wow wai dukan ki.
Hadien wa chah maham da em kamwa 600 ngut kiwa dai madan kiwa da lai phah Test wei waroh man Negative ki tangwa hadooh ynne i step ki bor District da yang ki ha Khyndailad wow khang ya ki wow wai dukan ki.
Neiliang ki bor District da elaad ki ya kiwa chong dai madan wow wai dukan ki hadien wa mih i yania iwa chibet chipor wei hadien wa pynsakhiat ki wa dadep leh Test ki.
