Iwi i yung wa em ha chnong Jalaphet Bri-Sutnga, EJH da iñ i heipor kamwa 4 waje i step ynne ka sngi. Ha ini iñ yung ym em wa mynsoo neidaw wym em bru hapoh ini i yung kiwa lai thiah ki cha ki yung khon ka tre yung ka Tngen Chyrmang kawa em 60 snem i rta.
Ka tre ini i yung da ong ko wa ym tip ko neiyi i daw wa iñ i yung neibhah wa iñ heipor step wei u slap leh hiar u malu mala.
Ini i yung da kylla tpai lut i phoi wei da dooh lut ki tiar ki tar wa em hapoh ini i yung wei i lut i sep waroh da poi kamwa T. 60,000.
I khyrngiat thiah ki para jan yung kiwa da khut da kbai da pynmih ya kiwa jan yung yow tympleh ya i diñ wei da lait u poor cha kiwi ki yung wa chajan.
Marsien yoh yutip, u Gram Sevak da hiar u wut wut cha kani ka thaw wow pait wow sylli ya kani ka thaw yow leh ya iwa emkaam yow yoh u e yarap ya kiwa chah ktah.
