Kiwa dang yoh COVID-19 ha India da em biang ki palat 2 lak ngut la 6 sngi kattu heiwa ha kini ki 24 kynta da em 2,59,170 ngut kiwa dang yoh iwa duna ya ki 2.73 lak ngut kiwa yoh ynnin ka sngi. Kiwa dang chait da em ki 1,54,761 ngut, kiwa dang yap 1,761 ngut iwa mut wa kiwa dang em ya uni u khñiang da ku ki da 1,02,648 ngut.
78% na kiwa dang yoh toh kiwa em ha ki 10 tylli ki jylla kiwa boon dooh ha Maharashtra 58,924 ngut, Uttar Pradesh 28,211 ngut, Delhi 23,686 ngut, Karnataka 15,785 ngut, Chhattisgarh 13,834 ngut, Kerala 13,644 ngut, Madhya Pradesh 12,897 ngut, Rajasthan 11,967 ngut, Gujarat 11,403 ngut wa ha Tamil Nadu 10,941 ngut.
62% na waroh kiwa dang em ya uni u khñiang toh kiwa em ha ki 5 tylli ki jylla kiwa boon dooh ha Maharashtra 6,78,198 ngut, Uttar Pradesh 2,08,523 ngut, Karnataka 1,42,103 ngut, Chhattisgarh 1,29,000 ngut wa ha Kerala 1,03,327 ngut.
Na kiwa dang yap kiwa boon dooh toh ha Maharashtra 351 ngut, Delhi 240 ngut, Chhattisgarh 175 ngut, Uttar Pradesh 167 ngut, Karnataka 146 ngut wa ha Gujarat 117 ngut.
Waroh kiwa da chait da em ki 85.56% kiwa em 1,31,08,582 ngut, kiwa dang em ya uni u khñiang da em ki 13.26% kiwa em 20,31,977 ngut, kiwa yap 1.18% kiwa em 1,80,530 ngut, deilang dapoi 1,53,21,089 ngut kiwa da dep yoh ya uni u khñiang hapoh ka ri.
Heiyatoh wa i e dawai yada, da dep wow e 12,71,29,113 sien wei ynnin ka sngi da e 32,76,555 sien ya ini i dawai.
