Ynnin i miet ka 21 tarik heipor kamwa 10 waje, ka VDP deilang wa ka Seiñ Khynroo ka chnong Mukhnang hei yang miet da yoh ki wow kem 100 liter i kiad lieh kiwa da dep song hapoh Plastic kiwa da thap hapoh churai wa kit da kawi ka kari kamai wei ini i kiad toh i yong ka R. Lamare.
Ka chnong da dep ko wow maham boonsien ya kiwa chong chnong tangwa dang pteiñ wa em kiwa leh ya ki kaam pyrchah ya ka chnong.
Da ong leh wa ini i leh da pynsih dur ko ya ka chnong wei boon ki khon khynroo kiwa ym em dih kiad leh tangwa neidaw wa em won kiwa dai hapoh ka chnong, boon ki khon khynroo ka chnong kiwa hapoh 18 snem leh da poi ki chei dih kiad.
Neiliang yong ka chnong da maham joor ko ya kiwi kiwa jooh myllien wow dai wei chalan kiad pyrchah ya ka aiñ hapoh u pood u ang ka chnong wei daw leh ya ki deiwa eh neini chakhmat.
