Kiwa dang yoh COVID-19 ha India ha i sien wa nyngkong da poi ki 3 lak ngut kiwa em 3,14,835 ngut ha ka chi sngi kiwa dang yoh iwa man leh iwa boon dooh na waroh ki ri ka pyrthai kiwa yoh ha ka chi sngi. Kiwa dang chait da em ki 1,78,841 ngut, kiwa dang yap 2,104 ngut iwa mut wa kiwa dang em ya uni u khñiang da ku ki da 1,33,890 ngut.
Na kiwa dang yap kiwa boon dooh toh ha Maharashtra 568 ngut, Delhi 249 ngut, Chhattisgarh 193 ngut, Uttar Pradesh 187 ngut, Gujarat 125 ngut wa ha Karnataka 116 ngut.
76% na kiwa dang yoh toh kiwa em ha ki 10 tylli ki jylla kiwa boon dooh ha Maharashtra 67,468 ngut, Uttar Pradesh 33,106 ngut, Delhi 24,638 ngut, Karnataka 23,558 ngut, Kerala 22,414 ngut, Rajasthan 14,622 ngut, Chhattisgarh 14,519 ngut, Madhya Pradesh 13,107 ngut, Gujarat 12,553 ngut wa ha Bihar 12,222 ngut.
Ki jylla wa boon dooh kiwa dang em ya uni u khñiang toh ha Maharashtra 6,97,467 ngut, Uttar Pradesh 2,42,265 ngut, Karnataka 1,76,207 ngut, Kerala 1,35,957 ngut, Chhattisgarh 1,22,751 ngut, Rajasthan 96,366 ngut, Delhi 85,364 ngut, Tamil Nadu 84,361 ngut, Gujarat 84,126 ngut wa ha Madhya Pradesh 82,268 ngut.
Waroh kiwa da chait da em ki 84.46% kiwa em 1,34,54,880 ngut, kiwa dang em ya uni u khñiang da em ki 14.38% kiwa em 22,91,428 ngut, kiwa yap 1.16% kiwa em 1,84,657 ngut, deilang dapoi 1,59,30,965 ngut kiwa da dep yoh ya uni u khñiang hapoh ka ri.
Heiyatoh wa i e dawai yada COVID-19 hapoh ka ri da dep wow e 13,23,30,644 sien heiwa ynnin ka sngi da e 22,11,334 sien ya ini i dawai.
