U Montri ka chnat i chait i khiah ka jylla, u Alexander Laloo Hek da ong u wa ka sorkar da pynkhreh ko nadooh wa sdang wow yakhun ya ka khlam COVID-19, heiwa da ong u wa neiliang ka sorkar jylla da yaklam ko dei langær wa ka sorkar pyrdi.
Hawa kylli ynne ka sngi, da ong wa ka sorkar da booh ko ar tylli ki Hospital wow sumaar kyrpang du ya kiwa chitom na u COVID-19, kawi toh ka TB hospital wa thymme ha Umsawli wa kawi won ha ka yung Building thymme ka Ganesh Das Hospital, kiwa ye wow sumaar hadooh kamwa 300 pyllong.
Heiyatoh wa i em ka Oxygen, u Hek da ong u wa ka jylla katni em ko 3 tylli ki thaw wa pynlang Oxygen, wei kamwa man katni ka Oxygen wa em ha ka jylla ye ko wow pyndap ya 100 pyllong, wei lada emkaam rap boon neiliang ka sorkar daw chimkhia ko wow pynbiang.
U Montri da ong u wa kamwa man katni ka jylla dang biang iwa emkaam ko wow yakhun ya ka khlam COVID-19 wei da pynkhreh neibynta iwon iwon i jia.
