U montri rangbah ka jylla, u Conrad K Sangma ynne da wan wai u ya ka yung thymme ka skur Mt. Sinai Secondary School, Tura kawa T. 2 klur kawa da chna hapoh ka Supporting Human Capital Development yong ka Asian Development Bank.
Hapoh kani ka Project da chna 7 tylli ki kamra Classroom wa kynthup ya ka Science Lab, Library, Computer Room, Digital Classroom, Arts & Craft Room wa ka Girls Activity Room wei da pyndait leh ya ki kor Computer, Digital Classrooms, Furniture, Teacher & Subject Expert Training, Meghalaya School Improvement Plan, Digital Library & Books wa ka Science Lab.
U Conrad hawa e yei klam da ong u wa ka sorkar yaleh ko wow pynku ya ki kaam wa yatoh wa ki khynroo khyllood deiwa wanrah ya ka Youth Policy heiwa ki khynroo u ye ki wow pynjanai ya i sap yong ki.
Da ong u leh wa da sdang ya ka “One Skill, One Talent” wow yarap ya ki khynroo wow seiñ khih ki katkam wa kwah ki.
Chooh chooh da ban joor u leh hajrong i pynku kyrdan ya ki 800 tylli ki LP School ha waroh kawi ka jylla Meghalaya.
U Deputy Commissioner ka West Garo Hills, u Ram Singh da ong u wa i pynku kyrdan ya ki thaw puræ toh wow pynchlur ya ki khynnah wow pynlai yumut ki ha ka thong yong ki deiwa kyntu leh ya ki khynnah wow yakhun ki ya ki Exam kam ki IIT, UPSC wa SSC ha kiwa da em ka bhah yong ki khynnah kiwa man kam ki Tribal.
