Ka sorkar ka ri United Kingdom ynne da pynbna ko wa daw phah ko ya ki tiar wa ki dawai cha India wow yarap yakhun ya ka khlam COVID-19 hapoh ka ri India.
Kini ki 600 tylli ki tiar kynthup ki ya ki 495 tylli ki Oxygen Concentrator, 120 tylli ki Non-Invasive Ventilator wa 20 tylli ki Manual Ventilator.
Da yooluti wa kini ki tiar daw poi ki ha nongbah Delhi ha i step ka 27 tarik.
U montri rangbahdooh ka UK, u Boris Johnson ynne da ong u wa ki tiar wa emkaam kiwa kynthup ya ki Oxygen Concentrator wa ki Ventilator da pynkhreh wow phah ya ki cha India kam chibynta wow yada nei dooh ya i mynsien wa kordor neidaw uni u khniang.
Da ong u leh wa ka UK yieñ ko chirup wa ka India ha i yakhun pyrchah ya ka khlam COVID-19 wei daw kreh ki chirup kam ha ini i por wa chem chitom.
Katkam ka yukheiñ wa da pynmih da ka Scroll.in hawa yatoh wa ka Oxygen wa da em chwa wa iwa ye u pynmih ha ka chi sngi deiwa kheiñ leh yei ku kiwa dang yoh COVID-19 man-ka-sngi ha India, da antaad wa hapoh 2-8 tayaw da lut ka Oxygen wa ye u pynpoi cha ki thaw sumaar.
