Da pynkylla ya ka 5-Star Hotel kam ka COVID Care Centre ya ki Judge wa ki sahep ka Delhi High Court

Ka Incident Commander/SDM, Sub-division Chanakyapuri, New Delhi da pynmih ko ya ka hukum wow pynemkaam hadooh 100 kamra ka Five-star Hotel ha nongbah New Delhi wow man ka kam ka thaw sumaar COVID-19 namo ka COVID Care Centre ya ki Justice, ki Sahep (Judicial Officers) ka Delhi High Court wa kiwa hayung yong ki.

Kani ka Hotel ha nongbah New Delhi toh ka Ashoka Hotel, Chanakyapuri daw pynkylla ya ka kam ka thaw sumaar hapoh i pait ka Primus Hospital.

Ha ka hukum wa da pynmih ha ka 25 tarik uni u bnai ya kawa da phah cha kiwa pynlai ya kani ka Hotel, da ong wa ka Primus Hospital toh u bahkhlieh ko wow noh ya ki jhep-dawai (Biomedical Waste) wa mih na kani ka thaw manda pynemkaam ya ka.

Da ong chooh chooh wa kiwa kreh ha kani ka Hotel daw chah hikai ki wei toh u pynbiang ya ki sula yada neibynta yong ki da ka Hospital.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya ki Ambulance wa kiwi kiwi kiwa duna toh u pynbiang da ka Primus Hospital hi.

Chooh chooh ka hukum da ong ko wa i pynkhooid, i baam, wa kiwi kiwi toh u pynbiang da ka Hotel.

Ya ki thaw sah ki Doctor, ki Nurse wa kiwi ki wakreh ye u pynsah ha kani ka Hotel wei ka Hospital toh u rai ko katwon i bai sah.

Ya ka bai lut waroh ka Hospital toh u chim ko wei u su won ko cha ka Hotel.