Lyngba ka karkhana ha khappood Assam u e yarap Oxygen ka Bhutan ya ka India

Hadien ki kattu katni ki ri, ka Bhutan leh da man ko sa kawi na ki ri kawa da tyrwa yarap ya ka India wow yakhun ya ka khlam COVID-19. 

Ha kani ka kynti ka Bhutan daw yarap ko wow e 40 MT ka Liquid Oxygen ha ka chi sngi ya ka India. 

Ka chithi na ka Indian Embassy ha Bhutan da ong ko wa ya kani ka Oxygen u pynmih naka karkhana wa thymme ha Motanga Industrial Estate, Samdrup Jongkhar District da ka M/s SD Cryogenics Gases Pvt. Ltd kawa man ka karkhana na Bhutan kawa em ha khappood waka jylla Assam.

Ya kani ka Oxygen daw pynpoi cha Assam lyngba ki kari Cryogenic Tanker.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kani ka karkhana toh kawa da mantre 51% da ka M/s SD Cyogenics katwa 49% won ka M/s Meghalaya Oxygen Pvt. Ltd (lyngba ka FDI) kawa man ka karkhana na Assam.

Ka chithi da ong ko leh wa ini daw yarap i ya ka India ha i yakhun ya u COVID-19 i wow pynyoo leh yei yajan wa i maya hapyrdi kini ki ar ri.

Neiliang won ka sorkar India yow pyndap yei duna Oxygen Tanker hapoh ka ri, da thied ko 20 tylli ki Cryogenic Tankers wa ye u kit 10 MT wa 20 MT yow e cha ki jylla ka ri. I kit ya ka Liquid Medical Oxygen (LMO) na ki karkhana wa pynmih cha kiwa boon ki jylla toh kawa kylla na kawi ka sngi cha kawi wa na iwi i thaw cha iwi thaw iwa man katkam wa emkaam wei yow lait nei dukna ki Tanker da thied noh ya kini ki 20 tylli ki Cryogenic ISO Container kiwa ye u kit 20 MT wa 10 MT kiwa da poi leh hapoh ka ri kam na Thailand.