Ka Annual Action Plan Meeting hajrong i pynkhreh wei pynkreh ya ka Jal Jeevan Mission (JJM) hapoh ka jylla Meghalaya da pynman ya ka ynne ka sngi lyngba ka Video Conferencing heiwa ki sahep ka sorkar jylla da angnood ki wow pyndep ya ka ‘Har Ghar Jal’ wei yeini da pyntip cha ka Committee of Department of Drinking Water & Sanitation, Ministry of Jal Shakti, ha ka yalang wa pynlai da u Secretary hei emlang ki sahep na ki chnat ka sorkar pyrdi wa ka NITI Aayog.
Hapoh ka Jal Jeevan Mission kawa man ka thong ka sorkar pyrdi toh wow pynpoi umkor cha waroh ki manyung hapoh ka ri chwa u snem 2024.
Ka Meghalaya em ko palat 5.89 lak tylli ki manyung ha ki palatsor (Rural Household) heiwa na kini du 93,000 (16%) yoh umkor ki.
Ka jylla da e umkor ko cha kamwa 87,000 tylli ki manyung ha u 2020-21 wei angnood ko wow yoh ya ka ‘Har Ghar Jal’ namo wow pynpoi umkor cha waroh ki manyung chwa u Kmaichonglad (December), 2022.
Ha u 2020-21, ka jylla da man ko kawi na ki 7 tylli ki jylla kiwa da yoh poisa sñiawbha (Performance Incentive Grant) hapoh ka JJM wei kiwi ki jylla toh ka Arunachal Pradesh, Mizoram, Sikkim, Gujarat, Manipur wa Himachal Pradesh.
Hapoh ka JJM, ha u 2021-2022, ka Meghalaya daw ko u yoh ko hadooh T. 350 klur na ka sorkar pyrdi heiwa da kyntu ya ka wow pynemkaam hok ya ka dei krehlang wa kiwi ki program kam ka MGNREGS, JJM, SBM (G), 15th FC Grants cha ki PRIs, District Mineral Development Fund, CAMPA, CSR Fund, Local Area Development Fund wa kiwi kiwi hapoh ki chnong ki thaw lyngba ka Village Action Plan (VAP) heiwa waroh ki chnong toh u pynkreh ki ya kini ki Scheme ha i rukom wow yoh um-dih chi rta (Long-term drinking water security).
Ka Committee da kyntu ko ya ka jylla wow pyrkhat ha i bor ka chnong deiwa sdang ya ka Village Water & Sanitation Committees (VWSCs) ki wow pynkreh wei wow pyntikna wa yoh um-dih ki paidbah ka chnong.
Da ebuit ko leh ya ka jylla wow yoh ya ka NABL Accreditation/Recognition yong waroh ki 33 tylli ki thaw Test ya ki um wei wow Test ya waroh (100%) ki thaw taan um katkam ki kyndon ka JJM neibhah hapoh ka Jal Jeevan Mission da pynksan heiyatoh wa ka um wa khooid khamtam lyngba i krehkaam da ki tre chnong waroh (Local Community).
Emkaam leh wow chah hikai 5 ngut ki kynthai na kawi pa kawi ka chnong heiwa kammon wow pynemkaam ya ki Field Test Kits wow Test yei man i long ka um wei emkaam leh wow pynchlur ya kiwa chong chnong wow man ki kiwa sumaar wei kiwa syndong ya ki thaw wa em um wei kammon wow pynneh ya ki ym du neibynta ka katni tangwa ya ka mynried leh kamjooh.
Hawa sdang u snem tangka (Financial Year) 2021-22, da sylli bniah wow pyrkhat ya i tyrwa namo ka Annual Action Plans (AAPs) kawa da sdang nadooh ka 9 tarik uni u bnai heiwa ka Committee (ka sorkar pyrdi) da sylli biang ko ya i tyrwa (Annual Action Plan) wa pynkreh da ki sorkar jylla chwa wow pynlait poisa ya ka (neibynta kini ki kreh wow pynpoi um wa da mang wow leh ha ki chnong) jylla.
Hadien wa pynlait ka sorkar pyrdi ya ka poisa daw pynman ya ki sylli/takit (Regular field visits) wei ki yalang wow booddien wow pyntikna wa da pynkreh katkam ka Annual Action Plan katkam ka thong yong ka Jal Jeevan Mission.
Chooh chooh ki sorkar jylla ye ki leh wow yoh yarap poisa chooh lada i kreh man ki kiwa lai bait khlem i wit i thut iwa ym pynsepai ya ka poisa ya kawa da mang katkam i kreh.
