Ka lieñsuiñ wa chna hi hapoh ka ri ka Light Combat Aircraft yong ka India, ka Tejas da ye ko wow pyrchang (Test) siat ya u Python-5 Air-to-Air Missile (AAM) ha ka 27 tarik uni u bnai.
Ini leh man i kam chibynta wow pait yei krehkaam ka Derby Beyond Visual Range (BVR) AAM ha ka Tejas.
Ya ini i siat da pynman ha Goa heiwa uni u Missile da tne u ya ka thong kawa hær smat bha ha suiñ (High-speed maneuvering aerial target).
Chwa ini da pyrchang pyndait ya uni u Missile ha ka Tejas ha to Bengaluru wow pait hadooh katwon krehkaam u wa ki tiar wa da em chwa ha kani ka lieñsuiñ kam ki Avionics, Fire-control Radar, Missile Weapon Delivery System wa ka Flight Control System.
Ya uni u Missile da siat da ka Tejas yong ka Aeronautical Development Agency (ADA) ya kawa da pynhær da ki Indian Air Force (IAF) Test Pilots ka National Flight Test Centre (NFTC).
Uni u Missile toh uwa da chna pynwandur da ki bru chemphang (Scientists, Engineers & Technicians) ka ADA waka HAL-ARDC chirup wa ka CEMILAC, DG-AQA, IAF PMT, NPO (LCA Navy) wa INS HANSA.
Neiliang u montri yada ri, u Rajnath Singh da ekhublei u ya waroh kiwa da embynta ha ini i pyrchang siat ya uni u Missile.
