Katkam wa pyntip ka National Center for Seismology, ynne i step synyaw heipor kamwa 1:21 da khih biang u khmi uwa khlanbor 4.6 ha ka Richter Scale.
I tre uni u khmi toh 36 km na Tezpur Assam wei yillu u 19 Km chapoh khyndaw.
Ya uni u khmi da sñiaw cha jylla Meghalaya, Arunachal Pradesh wa Nagaland.
Uni u khmi da wan u du hapoh 24 kynta nadooh ynnin i step heiwa da khih u khmi uwa khlanbor 6.4 wei da bood won sa ki khmi wa rap tlot bor kiwa da khih sa 6 sien kiwa khlanbor nadooh 3.2 hadooh 4.7 kiwa da khih hapoh 2 kynta chiteiñ hadien wa khih uwa nyngkong dooh.
Ynnin ka sngi ki yung wa ki thaw kiwa chah ktah toh kiwa em hapoh 100 Km na i thaw wa sdang u khmi heiwa da em ki yung ha Guwahati wa Nagaon leh kiwa chah ktah.
Ki thaw wa sdang uni u khmi toh kiwa haap hapoh ka Sontipur District, Assam.
