Kiwa chong chnong ka Muktapur da pynsñiaw ki yei sñiawsih neidaw wa joor wa sih palat u sarok uwa ym em de pynchna pynmiat da slem.
Uni u sarok toh uwa da sih ha kiwa boon ki bynta nadooh na Pdengshakap heiwa waroh ki chnong wa pynemkaam ya uni sarok kam ka Syndai leh da chem chitom bha ki heiwa da em ki thaw wa da kylla ktieh heipor wa slap wei da wiar lut leh waroh i psiang.
Uni leh toh u jooh u sarok wa pynemkaam yow lai cha Syndai iwa ka-it bha ki bru wow lai ke kamjooh ka chnong wa em i parom yong ki syiem.
Uni u sarok toh uwa da sih khlem da chna de wei kiwa chong chnong da ong ki wa da kut du hei kular donhi ki MLA wa ki MDC iwa da kynjoh chiphaw snem tam, wei katni du wow lai ki kari leh da tieñ neibhah wa da sih u hadooh kattæ kattæ.
Da ong leh wa ki kari khian kam ki Alto ym man de wow lai katni kamtæ da kyntu ya ki bor wa toh u pait ya ini wow sñiawbha ki wow chimkhia ya ini yow yoh yarap ki paidbah.
