Kam chibynta wow pyntikna wa ki mar wa emkaam man-ka-sngi toh kiwa dap wa biang wei i dor leh ym ku i ha ki yaw ki haat.
Neiliang u Deputy Commissioner (Supply), West Jaiñtia Hills District da pynmih hukum u yow phah u ya waroh kiwa dai Wholesale wa kiwa dai khutia ya ki mar wa emkaam kiwa em hapoh ka District wym toh u murieh ki ya ki mar wei wow pynsier ya ki paidbah wa duna mar lane deiwa dai Black ya ki mar.
Da phah leh wow pyntikna ki wa biang i em ki Stock deiwa booh chiboon yeiwa emkaam wei ym toh wow dai palat ya i dor wa da booh namo ka MRP wei ym toh leh wow dai ya ki mar wa da kut por namo kiwa da Expire.
Chooh ka hukum da ong ko wa kiwa dai Wholesale wa kiwa dai khutia hap pynbor ki wa kiwa wan thied wa toh u deiñ ki ya ki Mask wei yajngai ki leh uwi ya uwi ym duna ya 6 phut hawa wan thied ya ki mar wei ye u kyntait u dai lada ym bood ya ka hukum.
Ya kiwa leh pyrchah daw pynchitom katkam ki kyndon ka Essential Commodities Act, 1995 waka Section 188 ka Indian Penal Code.
