Hadien wa yoh ya ka Test Result yong ki nongmuna wa chim na ki sniang ha ka 13-04-2021 iwa da Test da ka ICAR-National Institute of High Security Animal Diseases (NIHSAD) Bhopal heiwa da pyntikna wa em i kjut sniang wa tip kam ka African Swine Fever ha Meghalaya.
Kamtæ yow khang wei wow kdoh u khoom yei poor i kjut, da pynkrehkaam ya ka Section 6 wa Section 20 ka aiñ Prevention and Control of Infectious and Contagious Diseases in Animals Act, 2009, da ka sorkar Meghalaya, wei ha ka hukum wa da pynmih ha ka 27 tarik uni u bnai, da pynbna ya ka chnong Mawlai Nongkwar, Pig Farm Nongpyiur, Thangsning, Kseh Pyndeng, Nongkseh wa Lygkyrdem ha East Khasi Hills District; ka Raitong, Umran Dairy wa Patarim ha Ri Bhoi District wa Pig Farm Nongstoin ha West Khasi Hills District kam ki thaw wa mih wei em ka kjut African Swine Fever.
Katkam ka National Action Plan for Control, Containment and Eradication of African Swine Fever wa da pynkhreh da ka Ministry of Fisheries, Animal Husbandry and Dairying, ka sorkar India, da pynkrehkaam chisyndon ya ki kyndon ha ki chnong wa ki thaw ri sniang kiwa da kdaw haneiñ deiwa booh pood 1 km ki thaw wa em ki sniang wa yoh ya ini kjut wow man ki kam ki “Infected Zone” wei waroh ki chnong wa em 10 km na ki thaw wa sdang i kjut kam ki “Surveillance Zone”.
Ya ini da pyntip da u Principal Secretary ka sorkar Meghalaya, A.H. & Veterinary Department.
