Hadien 9 sngi khlem sangeh wa em kiwa yoh COVID-19 palat 3 lak ngut man-ka-sngi ha India, ha kini ki 24 kynta ha i sien wa nyngkong da tam 4 lak ngut kiwa dang yoh ya uni u khñiang kiwa em 4,01,993 ngut, kiwa dang chait da em ki 2,99,988 ngut, kiwa dang yap 3,523 ngut iwa mut wa kiwa dang em ya uni u khñiang da ku ki da 98,482 ngut.
74% na kiwa dang yoh toh kiwa em ha ki 10 tylli ki jylla kiwa boon dooh ha Maharashtra 62,919 ngut, Karnataka 48,296 ngut, Kerala 37,199 ngut, Uttar Pradesh 34,372 ngut, Delhi 27,047 ngut, Tamil Nadu 18,692 ngut, West Bengal 17,411 ngut, Andhra Pradesh 17,354 ngut, Rajasthan 17,155 ngut wa ha Bihar 15,853 ngut.
76% na kiwa dang chait toh kiwa em ha ki 10 tylli ki jylla kiwa boon dooh ha Maharashtra 69,710 ngut, Uttar Pradesh 32,494 ngut, Delhi 25,288 ngut, Kerala 17,500 ngut, Tamil Nadu 16,007 ngut, Karnataka 14,884 ngut, West Bengal 13,932 ngut, Chhattisgarh 13,677 ngut, Madhya Pradesh 13,584 ngut wa ha Bihar 11,194 ngut.
78% na waroh kiwa dang em ya uni u khñiang toh kiwa em ha ki 11 tylli ki jylla kiwa boon dooh ha Maharashtra 6,64,683 ngut, Karnataka 3,82,710 ngut, Uttar Pradesh 3,10,783 ngut, Kerala 3,04,074 ngut, Rajasthan 1,76,485 ngut, Gujarat 1,42,046 ngut, Andhra Pradesh 1,22,980 ngut, Chhattisgarh 1,18,958 ngut, Tamil Nadu 1,15,128 ngut, West Bengal 1,13,624 ngut wa ha Bihar 1,05,401 ngut.
Na kiwa dang yap kiwa boon dooh toh ha Maharashtra 828 ngut, Delhi 375 ngut, Uttar Pradesh 332 ngut, Chhattisgarh 269 ngut wa ha Karnataka 217 ngut.
Waroh kiwa da chait da em ki 1,56,84,406 ngut iwa man 81.84%, kiwa dang em ya uni u khñiang da em ki 32,68,710 ngut iwa man 17.06%, kiwa yap 2,11,853 ngut iwa man 1.11%, deilang dapoi 1,91,64,969 ngut kiwa da dep yoh ya uni u khñiang hapoh ka ri.
Heiyatoh wa i dawai yada COVID-19, da dep wow e la 15,49,89,635 sien hapoh ka ri heiwa ynnin ka sngi da e 27,44,485 sien.
