Hei pyrtuid hei naam u Trekirot u Syiem Blai uwa ha khlieh tam, neiliang ka yung ka sem yong i pynsñiaw i ya ka sñiawngooh kawa khroo heiyatoh wa i khlaad ka Kong Phainet Synnah ha ka 20-04-21.
Neiliang ka yung e khublei ko ya ka loom ka pdeiñ Loompyrdi Iongpiah, Jowai wa ka bei Seiñraij nadooh kiwa ksoh kaam, ki dkhot ka EC yong ka, ka Niamtre Committee, ka WWO kawa man ka seiñ manbei, ka Seiñ Beh Iaw Society Jowai, ki jan yung ki jan sem, ki lok ki jor, ki kha ki man, ki kur ki jait kiwa wan na kylleiñ soodong ka ri Jaiñtia kiwa wan pynchit pynsaaid heiyatoh wow pyndep ya ka rukom wa khaddooh nawa sdang hadooh wakut.
Neiliang ka yung ka sem e i ka kyrkhu khyrdoh ya waroh yow yoh dei chait dei khiah, dei roi dei paar, dei mankhih dei man khan, dei mynsien maya niam, maya Blai.
Chihajar ngooh, khublei chiboon na kiwa ha yung ha sem wa ka Kur Synnah Jowai.