Ka JSU-South Border Zone hapoh i yahkhmat u President, Ajoymenson Lyngdoh wa ki dkhot ka chnat kamjooh wa ki dkhot ka seiñbei hapoh i yahkhmat u President u Jersom Shylla wa u General Secretary u Treiborlang R Suchen da chimkhia ki wow chna ya i bynta wa sih yong u sarok Huroi-Hingaria uwa em ha East Jaiñtia Hills District uwa man leh kam u sarok khappood.
Ka seiñ da leh ko yeini hadien wa yoh ya ki ujor dei langær na ki paidbah ka thaaiñ khamtam heiyatoh wa i sih u sarok uwa pynyabi ya ka Hingrai, Huroi, Lahalein wa Lejri.
Neiliang u President ka seiñ na South Border Zone da ong u wa uni u sarok ye u wow wanrah chiboon ki kamai pynroi tangwa wot hadien ki ujor ka sorkar ym mano ko wow leh iwon iwon hajrong ini i kaam.
I sih u sarok da pynthut u ya ki paidbah khamtam ki warep wow kit ya ki mar rep yong ki neibhah ki kari ymlait ki wow lai luti na oo wei boonsien sahkut bait ki ha i ktieh.
Ka seiñ da kylli ko leh yei daw wa slem wow chna ya u sarok neibhah ini i ieh ya oo man i kamwa iehbeiñ ya ki paidbah ka thaaiñ.
Heijhooh i por da maham ko leh wow pynman da i yakhih lada ka sorkar ym chimkhia ko wow leh yeiwa emkaam hajrong ini waroh.
