Ka sorkar India da pyntip ko wa i e dawai tika COVID-19 man ko iwi iwa emkaam dooh hawa yaleh pyrchah ya ka khlam najrong wa leh ya ki Test, i booddien, i sumaar wei i im deiwa myllien thymme deiwa bood ya ki kyndon yada na ka khlam.
Chooh chooh ka sorkar da ong ko wa ka bynta wa le namo ka Phase 3 i e dawai tika toh kawa da sdang nadooh ka 1 tarik uni u bnai heiwa da chah leh wow thap pyrtuid kiwa 18 snem chaneiñ nadooh ka 28 tarik u Naitung (April), 2021 hawa CoWIN Portal (cowin.gov.in) lane lyngba ka Aarogya Setu App.
Ka sorkar India hadooh kattæ da e mynkna ko la 16,69,97,410 sien (Dose) i dawai tika cha ki jylla wa ki UT. Heiwa na kini da pynemkaam la 15,94,75,507 sien hadooh 8:00 waje ynne i step.
Dang em leh palat 75,24,903 sien wow e ya ini i tika ha ki jylla wa ki UT.
Da pyntip leh wa daw phah sa 48,41,670 Dose ini i dawai tika cha ki jylla wa ki UT ha kini ki 3 sngi wow wan.
