Ka sorkar jylla ynne ka sngi hadien wa ku biang kiwa yoh COVID-19 da pynbna ko wow pynkrehkaam da ka Lockdown ha East Khasi Hills kawa 5 sngi nadooh myntu i miet 8:00 waje ka 5 tarik hadooh ka 5:00 waje i step ka 10 tarik.
Chah hi wow pynman bia tangwa toh u man ko du para chiyung donhi deiwa em 20 ngut donhi.
Daw khang yei lai ki kari. Ym chah leh wow lai na kawi ka District cha kawi. Waroh ki yaw wa heh u man ki kiwa khang tangwa ym khang ya ki mar wa emkaam man-ka-sngi. I lai ki mar rep daw booh da ki kyndon.
Ha kiwi tawon ki District da rai wow pynkrehkaam da ka Weekend Lockdown (Saturday wa Sunday).
Chooh chooh heiyatoh wa ki Exam ki wow man ha ka 6 wa ka 7 tarik da kyrriah cha ka 11 wa 12 tarik.
Da phah ya ki Montri sorkar wow lai cha ki District ka jylla heiwa u Montri Rangbah daw lai u cha Tura, u Symbood Montri Rangbah u Prestone Tynsong u lai u cha Nongstoin katwa u Montri ki kaam pohyung u Lahkmen Rymbui daw lai u cha Ri-loom Jaiñtia.
Ynne da em 269 ngut kiwa dang yoh ya uni u khñiang wa 6 ngut kiwa yap hapoh Meghalaya wei kiwa dang chah ktah da em ki 2135 ngut.
