Ka Election Commission of India (ECI) da rai ko wow pyndam chwa yei pynman ya ki Election chiteiñ samoi neibynta ki MP wa ki MLA.
Da em le tylli ki Parliamentary Constituency kiwa man thylli kitæ ka Dadra & Nagar Haveli, 28-Khandwa (Madhya Pradesh) wa 2-Mandi (Himachal Pradesh) wa 8 tyll ki Assembly Constituency kiwa thylli kitæ toh ka 01-Kalka wa 46-Ellenabad ha Haryana, 155-Vallabhnagar ha Rajasthan, 33-Sindgi ha Karnataka, 47-Rajabala wa 13-Mawryngkneng (ST) ha Meghalaya, 08-Fatehpur ha Himachal Pradesh wa 124-Badvel (SC) ha Andhra Pradesh. Da em leh kiwi ki Constituency kiwa thylli kiwa dang yang ya ka Report wa ki pynbna yow pyntikna.
Katkam ka Section 151A ka Representation of the People Act, 1951, hawa em i thylli, toh u pyndap lyngba ka Bye-Elections hapoh 6 bnai wa man thylli deiwa em sa chi snem lane palat chi snem ka samoi krehkaam.
Neiliang ka Commission hawa chong pyrkhat ynne ka sngi da rai ko wa neidaw wa em ka la-ær wa ar ka khlam COVID-19 hapoh ka ri, da rai wa ym bha wow pynman ya kini ki Election chiteiñ samoi hadooh wa biang i long i man ka khlam hapoh ka ri.
Ka Commission daw chim ko yei rai ha i por wa biang deiwa yow yei pyntikna na ki NDMA/SDMA.
