Kam chibynta wow e laad ya ki paidbah wow thied ki ya ki mar wa emkaam ha ki por wa pynkrehkaam ya ka Lockdown ha East Khasi Hills, ka DC ka District da pynbna ko ya kini ha wah:
Du ki dukan kiwa da jied kiwa dai ya ki mar wa emkaam kiwa em ha Shillong wa khapsor u wai ki haka 7 wa 8 tarik uni u bnai lane du kawi na kini ki sngi nadooh 9:00 waje i step hadooh 7:00 waje i miet.
Toh u pyntikna wa ym lai ki bru na kawi ka dong cha kawi yow thied mar.
Ha ki thaw wa cha palatsor ka District, daw pynbait ya i jooh da ki SDO ki Block, ki BDO deiwa ya krehkaam wa ki waheh chnong kamjooh wa ki CCMT.
Ki waheh chnong wa ki CCMT toh u pynbait ki yei wai ki dukan deiwa pyntikna wa bood ya ki kyndon yada na u COVID-19.
Ya ki jhoor da pynbait wow kit da ki NARI/1917iTEAMS wa kiwi kiwa da jied wow leh ya ini, ki BDO u pynim biang ki ya ki yaw ki warep ha ki chnong wa rap sor wa ki thaw wa em charood ka Shillong yow e laad ya ki warep wow dai ya ki mar yong ki.
Ki dukan Wholesale u wai ki katkam ki hukum warim ha ki thaw Cantonment, Mawlonghat wa Platan Bazar.
Ya waroh kawi ka hukum ye phi wow yoh heini ha wah.
