Ynne ka sngi u montri rangbah ka jylla, u Conrad Sangma da lai pait u ya i thaw wow chna ya ka Cryogenic Oxygen Plant ha Baljek kawa man ka thaw pynmih Oxygen ka wow ye wow pyndap yei emkaam ki 5 District ka Ri-loom Garo wa ka West Khasi Hills.
Da ong u wa i kreh ya kani ka thaw daw sdang i nadooh mynstep ka sngi wei da e leh ya ka Work Order neibynta ini.
Ha kani ka jooh ka sngi da lai pait u leh ya i thaw wow chna ya ka Biomedical Waste Incinerator namo ka thaw wow thang ya ki jhep wa mih na ki dawai wa ki thaw sumaar.
Ya kani ka thaw daw chna hajan ka ISBT Tura heiwa daw ye wow noh ya ki jhep wa mih na ki thaw sumaar deiwa khooid.
U Conrad da pyntip u wa ya kani ka thaw daw chna gei lut iwa T. 4 Klur wei kamwa man katni da mih boon bha ki jhep na ki thaw sumaar wei i em kani ka thaw daw yarap bha ko chiboon ya ka sorkar.
