Hadien wa ka Phramer Traffic Cell, West Jaiñtia Hills da chah ktah ko ha ka khlam u COVID-19, da wanrah yei thut i krehkaam kani ka thaw iwa man chibet chipor donhi.
Neiliang u SP ka District, u Bikram Marak da ong u wa da chem wa ki kattu katni ki pulit kiwa em ha kani ka thaw da chah ktah ki wei da phah chong lut chwa ya waroh ha yung.
Hawa kylli katwon ngut kiwa chah ktah ha uni u khñiang na kiwa kreh ha kani ka thaw, u Bikram da ong u wa hadooh ynne da chem wa em soo ngut kiwa da chah ktah ha kani ka khlam wei waroh man ki kiwa khlan khlem emkaam wow chah sumaar.
Ya kiwi tawon ki wakreh da ong u wa da leh ya ki Test khnang wow ye u tip yei man i long yong ki,
Hajrong i ong wa da khang ka yung krehkaam ka Phramer Traffic Cell, neiliang u Bikram da ong u wa i kreh ym em u sangeh i neibhah da phah da kiwi ki bru wow chim salan ya kiwa da hap pynchong wei i kreh da man i iwa lai bait.