Ka HYC-EJH Circle da thoh ko cha u DC ka East Jaiñtia Hills yow dawa pynkrehkaam ya ki kyndon yada naka khlam COVID-19 heipor yaleh Aadhaar ki bru.
Ka seiñ da ong ko wa hei chem yong ka hapoh ka District, ki bru wa chim yei pyrtuid, kiwa chondur Aadhaar ym em sap ki ya ki sap-kti, ym em pynemkaam Sanitizer ki wa kiwi kiwi kiwa emkaam yow yada na ka khlam.
Da chem leh yei boon bru wei ym em u yajngai uwi ya uwi namo ka Social Distancing heipor wa yieñ laiñ.
Kamtæ ka seiñ da dawa ko wow pynbiang lut ya ki tiar ki tar wa emkaam yow yada na ka khlam neibynta kiwa chondur Aadhaar wei toh u chah hapoh 25 ngut ha kawi ka chnong chi sngi khnang yow lait nei khynnia.
Da dawa leh wow phah ya kiwa pynlai chnong wow pyntikna ki wa da bood ya ka Social distancing heipor wa yaleh Aadhaar.