Ka KSU Namdong da kam ko wa kiwa kjut wa chitom kiwa hap wow chim dawai wei thiah kjut ha Namdong PHC da ong ki wa kani ka thaw sumaar ym em dawai ko wow yarap ya kiwa dooh wa duk neibhah dang hap hi ki wow thied nadong chadong ki dawai.
Ka seiñ da dawa ko na ka sorkar wow yarap pynbiang dawai katwa ye ha kani ka PHC khnang yow ye ko u chakri rap bha cha ki paidbah kani ka thaaiñ.
Da ong leh wa yoosarom wow pait wa kani ka yung (Building) kawa heh tangwa i emkaam won waroh ym pu biang nadooh ki tiar sumaar wakjut, ka kari kit wakjut, ki dawai, ki Doctor wa kiwi de heiwa katni dang em du uwi u Doctor katwa ki paidbah wa haap hapoh i pait ka PHC da em ki palat 30,000 ngut wei ini ym toh uwa suk lada ym biang iwa emkaam.
Kamtæ ka seiñ da ong ko wa ka sorkar ha kam kini ki por wa ka khlam COVID-19 da sdang poi ko cha kani ka thaaiñ toh wow pynbiang ya iwa emkaam kani ka PHC.
Ka seiñ da kdaw ko leh wa ini wa dep da em ka yakhih wow phah bru wakreh tangwa ka sorkar da phah ko du da ki bru wow pynkhooid ya kani ka thaw sumaar katwa ki Doctor wa i dawai ym em phah ki.
