Ynne ka sngi ki bor District ka West Jaiñtia Hills da pynmih ki ya ka hukum wow chah biang wow sdang ki kaam hapoh ka District nadooh ki yaw, ki dukan dukdoh wa kiwi kiwi deiwa booh kyndon hadien wa kut ka Weekend Lockdown heipor 5:00 waje i step ka 10-05-21.
Hawa yaklam wa u DC ka District, u Garod LSN Dykes da ong u wa nadooh mynstep ka 10 tarik, ki kari leh da chah wow lai ki kamwa jooh (khlem i khoom i kdoh).
Da ong u leh wa ki kari khamtam ki kari kamai toh u kit ki katkam ka Seating Capacity kamwa da leh ha ki sngi wa dadep chwa wow em ka Containment Measure kawa da pynbna du neibynta ka chnong Jowai nadooh ka 1 tarik hadooh 10 tarik uni u bnai tangwa toh wow pyntikna won wa ki bru kiwa chong kari toh u sap Mask ki wei wow bood ki ya ki kyndon ka sorkar.
Chooh chooh da pyntip u wa i pynduna næ i booh ya ki Number wow lai ha jar jiar ki sngi toh neibynta ka Containment donhi kiwa da kut hei step ka 10 tarik heiwa ka hukum wa pynmih ynne ymtoh kawa yatoh wa ka Containment.
