Neidaw wa em palat 30 ngut kiwa yoh COVID-19 ha ka chnong Jongksha kawa haap hapoh ka Mawkynrew C&RD Block, East Khasi Hills, neiliang ka DC ka EKH da pynmih hukum ko wow pynman Containment Zone ya kani ka chnong waroh kawi yow ye u booddien ya kiwa em hei maa, wow leh ya ki Test, i pynchongkset wa kiwi kiwa emkaam yow khang yei poor uni u khñiang.
Kamtæ da khang ya ki bru wow psiah wow mih ki na kani ka chnong khlem da yoh bor, kiwa em em hapoh kani ka chnong wow neh bait ki hapoh yung.
Waroh ki dukan, ki yung krehkaam u man ki kiwa khang ha kini ki por wa pynman Containment.
U BDO ka Mawkynrew C&RD Block u pait u yei pynkrehkaam ya kani ka hukum.
Waroh kiwa chong chnong hap ki wow deiñ ya ki Mask, ym toh u yachem wa kiwi ki bru lait na kiwa chi yung chi sem wei wow pait bniah ki yei long i man yong ki lada yoh ki ya ki dak ki chin wa chitom.
Kiwa leh pyrchah daw pynchitom katkam ka aiñ Disaster Management Act,2005 wa IPC.
