Da u: Pynsakhiat Yeini Kyndiah, Loompyrdi Iongpiah Jowai
Heini i por ya syndong mo yong i,
Manda poi i yap kamwa ieh syngngeit donhi,
Sepai i maya sepai itu la waroh,
Lada thang næ lada tlep tang u yoo wymyoh.
Jar la i pran samen hap hi u ya syndong,
Wymtieñ ya kani ka khlam duhai ham ong.
Chiboon ki mynsien kiwa da dooh,
Ha pyrthai kini se kitæ ki tynjooh.
To yieñ yada ya ka ri ka jaitbru,
Pyn da i ya i chwa u sdang i myntu.
Ki proh jabieñ dadep ong ki,
Tymmoh i khmut i ktien tæ sait ki kti.
Related posts
Nuwa du ya samen du ki wymtieñ hi,
Pyrkhat won sæ ya ka yung yong phi.
Ham pynpoor de ya kani ka khlam,
Chong ha yung lada toh i kaam iwa danghoi u dam.
Nangjoor i hæiñ i pai nang pynyinsur,
Kammon u man lada heini i dur.
Ha kani ka sien wa ar da boon kiwa tieñ hi na-ai,
Katwa da yoo ki da boon ki mynsien wa dalai.
Lada khang wymhoi, lada dam wymhoi,
Ye u pynhun pyn-ar du i wymhoi,
Yei yi u beiñ yei yi u kynnoh,
Iwa khaddooh i bor chong i ha i hi waroh.
E bor Aa Blai ya ki doctor ki nurse wa ki medical staff waroh,
Han dei bor yong bru lym ye ki u ksoh ya ki mynsien waroh.
