U DC ka West Jaiñtia Hills District, ynne ka 11 tarik da pynmih hukum u yow pynman ya waroh kawi ka dong Panaliar, Jowai yow man ko kam ka Containment Area.
Da pynmih ya kani ka hukum yow kdoh u khoom yei poor ka khlam COVID-19 hadien wa em kiwa yoh COVID-19 ha Panaliar kamtæ da em leh kiwa yachem wa kiwa yoh ya uni u khñiang kamjooh kiwa yachem pateiñ wei da emkaam wow leh yei booddien ya ki, u pynchongkset, u leh ya ki Test wa kiwi kiwa emkaam yow yada ya ki paidbah.
Hapoh ka Containment Area ym chah ya kiwa em ha ka wow mih ki cha lait, toh u neh bait ki hapoh yung wei ym toh wow pynman ya kiwon kiwon ki jait yalang.
Waroh ki dukan, ki yung krehkaam sorkar, ki yong ki bru samen kiwa em hapoh ka pood u ang ka Containment Area u man ki kiwa khang hadooh wa pynmih hukum da kamwi.
Ki kari wa wan na baar ka Containment Area kiwa na thaaiñ Chyrmang wa Iongnoh, ye ki wow lai luti napoh ka dong deiwa khlem sangeh hapoh ka Containment Area.
Kani ka hukum pynlait ko ya ki wakreh hei chait i khiah, ki wakreh u DC ka West Jaiñtia Hills, kiwi ki wakreh sorkar kiwa leh ya ki kaam wym hoi u dam wa kynthup leh ya ki laad pathai khubor wa kiwa libooh tadong LPG.
