U Sub-Divisional Magistrate ka Mairang Civil Sub-Division, Mairang ha ki ar tylli ki hukum wa da pynmih ynne i janmiet da pyntip wa na i daw wa poor smat ka khlam COVID-19 ha ka chnong Mairang Mission wa ka chnong Umthied Bynther, da pynbna ya kitai ki ar chnong kam ki Containment Area kam chibynta wow kdoh u khoom yei poor u khñiang khlam.
Katkam kini ki hukum, ym chah ya kiwon kiwon wow psiah ha kitai ki Containment Area lait noh ki wakreh ka chnat i chait i khiah wa kitu kiwa da yoh bor na ki Incident Commander wa toh u pait ya kini ki chnong wei waroh kiwa chong chnong toh u chong ki khop ha jar jiar ki yung, hap ki leh wow deiñ ya ki Mask tikna, ym toh wow yakhleh ki wa kiwi won wei toh u paitbniah ki lada em iwon iwon i iñ doh næ ky’oh næ dap rupai wei jynjar wow riñ næ pynhiar mynsien.
Chooh chooh, waroh ki dukan kiwa em ha kitai ki ar chnong toh u khang lut ki wei ki yungkrehkaam leh lait noh ka Mairang Police Station, Mairang.
Kiwon kiwon kiwa tyngkheiñ ya kitai ki hukum daw chah pynchitom ki katkam ki kyndon aiñ yong ka Disaster Management Act, 2005 wa ka IPC.
Kam wow kdaw heini wa hadooh ynne ka sngi da em hadooh 9 ngut kiwa yoh ya u khñiang COVID-19 ha Mairang Mission wa 12 ngut ha Umthied Bynther.
