Ka seiñ EJNC hadien wa boon na ki paidbah wa chong chnong ka East Jaiñtia Hills District, da ujor ki cha kiwa yahkhmat ka seiñ hajrong i chim kabu wa i pynku dor ki dukan Wholesaler ya i dor yong ki marbaam mardih hapoh ka District.
Hajrong kani ka yurim, ka EJNC da kyntu ko ya ka yung krehkaam u Deputy Commissioner ka EJH wow pynlait paidbah noh ya ki dor yong ki marbaam mardih hapoh ka District wei kamjooh wow hukum ya waroh ki dukan wa toh u wah ki yei dor ki mar wa da pynmih da ka yung krehkaam u DC khnang wa ki dukan Wholesaler ym yoh laad ki wow chimkabu yaki paidbah, neibhah wa ini i ku dor syndet ki marbaam mardih hapoh ki yaw ki haat da ktah sakhiat ko ya kiwa dooh wa duk khamtam ha kam kini ki por wa i khih i kreh da khang lut neidaw wa poor smat ka khlam COVID-19.
Ka kyrwoh na u Mehi Rymbai, Publicity Secretary EJNC-CEC.
