Ka COVID Working Group wa pynlai da u Dr. N K Arora da tyrwa (Recommend) ko wow pynyinsur noh ya i por hapyrdi wa e ya i tika COVISHIELD iwa mut hapyrdi ka sien wa nyngkong wa ka sien wa ar (First & Second Dose) na ka 6-8 tayaw cha ka 12-16 tayaw.
Katkam ki sabut wa da chem (Real-life Evidences) kam ha UK, ka COVID-19 Working Group da rai ko wow pynyinsur noh ya i por hapyrdi wa e tika (1st Dose wa 2nd Dose) cha ka 12-16 tayaw.
Yeini i pynkylla toh du neibynta i COVISHIELD ymtoh neibynta i COVAXIN, wei kini toh ki artylli ki tika COVID-19 kiwa da e hapoh ka ri.
Kani ka COVID Working Group kynthup ko ya ki dkhot kiwa kamni ha wah:
- Dr. N K Arora- Director, INCLEN Trust
- Dr. Rakesh Agarwal, Director and dean, GIPMER, Puducherry
- Dr. Gagandeep Kang, professor, Christian Medical College, Vellore
- Dr. J P Mulliyal, Retd professor, Christian Medical College, Vellore
- Dr. Naveen Khanna, Group Leader, International Centre For Genetic Engineering And Biotechnology (ICGEB), JNU, New Delhi
- Dr. Amulya Panda, Director, National Institute of Immunology, New Delhi
- Dr. V G Somani, Drugs Controller General of India (DCGI), Govt of India
Ya ini i tyrwa ka COVID Working Group da pdiang leh da ka National Expert Group on Vaccine Administration for Covid-19 (NEGVAC), wa khlieh da u Dr. V K Paul, Member (Health) Niti Aayog ha ka yalang wa da man ynnin ka 12 tarik.
Heijooh i por ka Ministry of Health and Family Welfare leh da pdiang ko ya ini i tyrwa wow pynyinsur ya i por hapyrdi i sien wa nyngkong wa i sien wa ar da 12-16 tayaw.
