Ynnin ka 13 tarik, ki dkhot ka KSU Barato Unit da lai hiar ki cha ka PHC Barato neibynta wow lai pait yei pynkhreh yada yaki paidbah ka thaaiñ naka khlam COVID-19.
Ka seiñ hawa yaklam wa u Dr. B. Kamar, Assistant In-charger Barato PHC, da pyntip u wa i pyrkhreh man ki kiwa biang lut neibynta wow yakhun ya ka khlam COVID-19 tangwa duna ka thaw pynchong samen namo ka Isolation Ward.
Haka jooh ka sngi ka KSU Nartiang Modop Unit da lai pait ko ya ka Nartiang PHC heiwa heini leh da chem toh da pynkhreh bha wei da em leh ki Oxygen Cylinders, ki Humidifier, ki thaw thiah, ki dawai wa kiwi de wa emkaam.
Ka seiñ da e khublei kyrpang ko ya u Dr. R. Pohsnem uwa man leh u In-charge yong ka Nartiang PHC wei kamjooh leh ya ki wakreh kiwa da kreh chitom wow pynbiang yei emkaam yong ki paidbah wa chong chnong yong ka thaaiñ khamtam ha kam ini i por wa yakhun pyrchah yei poor u khñiang COVID-19.
