Ka Oxygen Generation Plant kawa 270 Litre Per Minute (LPM) u sdang krehkaam noh ko hapoh ki 24 kynta ha Shillong Civil Hospital, East Khasi Hills.
Hadooh ynne kamwa 98% na i kreh da man i iwa dep heiwa da yooluti wa ha ki 24 kynta kani ka thaw daw man ko kawa krehkaam pura wei u yei ko u pyndap la’ær Oxygen palat 25 tylli ki pyllong.
Ynne u montri rangbah ka jylla, u Conrad K Sangma da lai pait u yei kreh ha kani ka thaw wei da chong yalang u leh wa ki heh ka chnat deiwa e khublei leh ya ki Doctor, Nurse wa kiwi ki wakreh ha kani ka Hospital hajrong i chakri yong ki ya ka jylla.
Neiliang u Conrad da ong u wa ka sorkar da yaleh ko wow pyntikna wa da pynkrehkaam ya ki kyndon ka sorkar ha ki District khnang wow ye u yakhun pyrchah ya kani ka khlam COVID-19.
Kamwa man katni da em 4534 ngut kiwa dang chah ktah (Active Case) hapoh ka jylla wei dang boon kiwa dang yoh ha ka katwa kamtæ da rai noh wow pynkrehkaam da ka Lockdown ha East Khasi Hills wa ki Containment Measure ha waroh kawi ka jylla.
Heiyatoh wa ki thaw sumaar ha kylleiñ ka jylla, neiliang u Conrad da ong u wa ha waroh kawi ka jylla da em ki Covid Management ki wow leh yeiwa emkaam.
