Neiliang ka sorkar Meghalaya lyngba ka chnat Health & Family Welfare da pyntip ko wa da antaad wa ym pu em poi cha iwa joor dooh ka khlam COVID-19 hapoh ka jylla khamtam ha sor Shillong, kamtæ da pynkhreh da ka Strategic Response Plan yow ya krehlang wa ki chnong kamjooh ki seiñ paidbah pyrchah ya ka khlam.
Ynnin u snem da booh da ki Community COVID-19 Management Team (CCMT) kiwa leh bha yei kaam yong ki yow jop ya ka khlam wei ha kani ka la-ær wa ar ka khlam da emkaam wow booh hapoh kawi ka stieh yei yada yow yaleh pyrchah ya ka khlam COVID-19.
Kamtæ ha ka yalang wa dang dep pynman da sñiaw wa emkaam wow chna yei ya krehlang hapyrdi ka sorkar wa ka chnong ki thaw deiwa booh da ka ‘Government-Community Covid Response Coordination Mechanism’ yow yarap ya ki chnong wow yaleh pyrchah ya ka khlam wei da rai wa ha ki thaw wa man sor daw yabhah ya ki ha ki Zone deiwa pait ki Magistrate, i kyrchhan ki Doctor wei ki CCMT leh u pteiñ biang ya ki.
Daw pynkrehkaam lang wa ki waheh chnong, ki bor District, ki Municipal, ki Welfare Society, Police, ki seiñ niam, ki wakreh hei chait i khiah, ki seiñ kiwa lai puræ, ki Journalist, ki Sports & Social Welfare Organisation, ki chnat sorkar wa yatoh wa ini i kaam wa ki seiñ wa em ha ka imlang sahlang.
Da booh thong leh wow em uwi u Community Volunteer neibynta ki 20 tylli ki manyung, wei ka sorkar deilang wa ki chnong ki thaw u ya krehlang ki yow booh ya ki Volunteer na kiwa boon ki dong ki chnong yow e sikai chaphang ka Containment, Vaccination wa ki rukam e sumaar. Wei i kaam kini ki Volunteer toh yow lai e yutip, u pynche cha ki manyung.
Ka sorkar da ong ko wa i pyntkut yei poor kani ka khlam toh iwa emkaam dooh wei yeini u ye u leh du deiwa ye u e ya ka yutip wa bniah katkam ka stat sayan kamjooh kammon wow ye u leh lada em kiwa yoh ya u khñiang hapoh ka yung ka sem deiwa em i ya krehlang.
