Neidaw wa em kiwa yoh COVID-19 ha dong Chilliangraij, Jowai wei da em leh kiwa em hei maa wow yoh ya uni u khñiang wei da emkaam wow leh yei booddien ya kini, u phah leh Quarantine, u Test, u pynchong kset samen wa kiwi kiwi de kiwa emkaam wow leh yow yada nei poor uni u khñiang.
Kamtæ neiliang u DC ka West Jaiñtia Hills District ynne ka 17 tarik da pynmih hukum u yow pynbna ya ka Umrapasa, Chilliangraij kam ka Micro Containment Area chisyndon hadooh wa pynmih hukum da kamwi.
Waroh kiwa em hapoh ka Containment Area toh u neh bait ki hapoh yung ym toh wow mih cha lait wei kiwa na baar ka Containment Area ym toh wow psiah ki cha ka.
Da khang wow pynman ya kiwon kiwon ki yalang paidbah, ki dukan leh toh u man ki kiwa khang, kamjooh ki yung krehkaam sorkar wa ki yong ki bru samen wa em hapoh ka Containment Area.
Ki kari wa wan na baar ka Containment Area ye ki wow lai luti napoh ka Containment Area deiwa khlem sangeh hapoh ka Containment Area.
U Incident Commander u man u kam u Supervising Officer kani ka thaw wa da pynman Containment Area.
Kani ka hukum da pynlait ko ya ki wakreh Health, ki wakreh u DC ka District, kiwi ki bru sorkar wa ki wakreh wa yatoh wa ki kaam wym hoi u dam (Essential Services), ki laad pathai khubor wa ki wakreh yow li booh tadong LPG.
Ya kiwa leh pyrchah daw pynchitom katkam ka aiñ Disaster Management Act, 2005 wa ka IPC.
