Ka DC ka East Khasi Hills da pyntip ko wa hadien wa yoh yutip na u Incident Commander, Zone-I wa ki paidbah ha Laitumkhrah ym em bood ki ya ki kyndon wow yada na ka khlam najrong wa da pynbait wei da booh yei por wow wai ki dukan kamjooh ki kyndon wow mih du neibynta ki kaam wa ym hoi u dam tangwa da chem wa kiwa boon ym em bood ki ya ki kyndon katkam wa da booh da ka chnat i chait i khiah, heiwa kiwa boon ki dukan toh kiwa khynnia wei dang em leh ki bru wym em deiñ Mask, kiwa ym em yajngai uwi ya uwi wei dang em bait ki bru wa lai na kawi ka dong cha kawi hanla da khang ya ini wei em leh ki kari wa mih khlem em ki Pass.
Neiliang ka DC da ong ko wa ini i kheiñstiñ man ko i daw wa poor smat u khñiang COVID-19.
Kamtæ hapoh ka aiñ Meghalaya Epidemic Diseases, COVID-19 Regulations, 2020 neibynta wow kdoh u khoom yei poor ka khlaam, ka DC da phah ko wa waroh ki yaw, ki dukan, kiwa chongdai cha rood sarok ha waroh kawi ka Laitumkhrah Main Road u man ki kiwa khang chisyndon hadooh wa pynmih hukum da kamwi.
U Superintendent of Police wa u Incident Commander, Zone-I daw pyntikna ki wa da bood ya kani ka hukum, deiwa pynbait yei rukom wai i dukan da iwa bniah deiwa ya krehlang wa ki Market Committee wa ki CCMT yow man ryntih i bood kyndon.
