Ki wakreh ha i chait i khiah da chem chitom bha ki hawa e sumaar ya ki bru kiwa chah ktah ha ka khlam COVID-19 neidaw wa hap sap ki ya ki sula PPE dei yong kynta khamtam hei lyur tangwa ini waroh daw kylla i hadien wa kawi ka Company (Startup) na Pune da chna pynwandur ko ya ka Ventilation System namo i tiar wow pynlait la’ær hawa sap ya ki PPE.
Ya kani ka Ventilation System daw pyndait ya ka ha ki PPE wei pyntikna i wa pyngngaad kiwa sap ya kini ki PPE wei yada leh na i mih-chit wa kiwi kiwi.
U Nihaal Singh Adarsh, uwa puræ Engineering na Mumbai chirup wa ka Company yong oo, ka Watt Technovations da chna ko ya kani ka tiar kawa tip kam ka ‘Cov-Tech Ventilation System’, ha RIIDL (Research Innovation Incubation Design Laboratory) ya kawa da kyrchaan da ka National Science & Technology Entrepreneurship Development Board (NSTEDB), Department of Science & Technology, Government of India, ha Somaiya Vidyavihar University.
Ya ka ‘Cov-Tech Ventilation System’ ye u pyndait ya ka kamwa pyndait snieh-tympong hajrong ka PPE wei ye ko wow pynsuk ya ki Doctor wa kiwi kiwa sumaar ya kiwa chah ktah ha u COVID-19. Kani ka tiar hawa pynemkaam ya ka pyntikna ko wa ka PPE man ko kawa chngaaiñ wei yarap ko wow pynpoi ya ka la’ær wa pyngngaad du hapoh 100 Second donhi.
Ya kani ka tiar da yarap leh wow chna ha Dassault Systemes, Pune katkam i ebuit ki bru chemphang ha i chait i khiah (Medical experts’ advice).
