U Sub-Divisional Magistrate ka Mairang Civil Sub-Division ha ka hukum wa da pynmih ynne ka sngi da pyntip u wa neidaw wa em uwi u Doctor ka Nongkhlaw CHC, Nongkhlaw wa yoh COVID-19 kamtæ da khang chwa ya katai ka CHC hadooh wa da dep Test lut ya waroh kiwa yachem wa u Doctor namo ki High Risk Contact yong oo.
Kamtæ da kyntu ya ki paidbah kiwa lai cha ka Nongkhlaw CHC ha ka 13 tarik uni u bnai wei hadien kani ka sngi wow chong kset ki ya idæ 10 sngi.
Ha kawi won ka hukum, u Sub-Divisional Magistrate ka Mairang Civil Sub-Division da pyntip u wa hadien wa da chem wa uwi wa lai chim dawai na Wahrit PHC da yoh u ya u khñiang COVID-19, kamtæ daw khang noh chwa chipor ya kani ka PHC hadooh wa da dep Test lut ya waroh ki kiwa yachem wa uwa yoh ya uni u khñiang, wei da kyntu leh ya ki paidbah kiwa lai cha ka Wahrit PHC ha ka 10 tarik uni u bnai wa hadien kani ka sngi wow chong kset ki ya idæ ha yung 10 sngi.
Lada em kiwon kiwon kiwa napyrdi kiwa chong kset ya idæ yoh ki yei iñ doh, i ky’oh, i chitom wow riñ wei pynhiar mynisen wa kiwi kiwi de, toh u pyntip ki wut wut deiwa phone ha kini ki number 94853-95373, 82579-46145, 76420-08817 lane 89740-37257.
