E-ngooh e-dem ka Dorbar Niam ka Raij Jowai wow yada na ka khlam COVID-19

Ka Dorbar Niam ki khon ka Raij Jowai dei mynsien wa sñiawkhia heiyatoh wa i eh i khoo wa chem ki paidbah na ka khlam COVID-19, ynne i step da pynman ko ya i e-ngooh e-dem wa i suit i choor ha Yung Langdoh iwa man i Yung kyntang ka Raij.

Ya ini i ngooh i dem wa i suit i choor da leh katkam ka rukom ka dustur u warim wajah wei da pyndep ya ka da u Dolloi kam u khlieh ka niam khlieh ka Elaka ryngkat i emlang u Langdoh, ka Langdoh, ki Sangot wa ki Wasan.

Ha ini i step da ngooh da dem da e i kyrpaad na u Tre Kirot; ki Blai Chnong Blai Raij, ki Ryngkaw wa kær talawiar ya ka chnong, ka Raij wa ka Elaka wow yada na kani ka khlam COVID-19 kawa wan tynjooh ya kiwa chong chnong ha waroh i liang.

Related posts

Daw pynman ya ka General Meeting ka Seiñkur Suchiang

January 31, 2026

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Ha kani ka step hadien wa da kut i ngooh i dem, i suit i choor, u Dolloi dei mynsien wa khia da khut u ya kiwa chong chnong ka Raij ka Elaka wow man ki kiwa syndong wei ki wow bood ryntih ya ki hukum ka sorkar ha kam kini ki por khnang wow khang yei poor kani ka khlam COVID-19.