Ka sorkar jylla ynne ka sngi da rai ki wow pynkrehkaam noh da ka Total Lockdown ha waroh kawi ka East Khasi Hills nadooh 8:00 waje i miet ka 19 tarik hadooh 5:00 waje i step ka 31 tarik uni u bnai neidaw wa ym em de man chngaaiñ i long i man wa yatoh waka khlam COVID-19 hapoh ka District.
Na ki 906 ngut kiwa dang yoh COVID-19 ynne ka sngi hapoh ka jylla iwa man leh iwa boon dooh ha ka chi sngi, 574 ngut na kiwa dang yoh toh kiwa em hapoh ka East Khasi Hills wei na ki 19 ngut kiwa dang yap, 17 ngut toh kiwa ha East Khasi Hills.
Ka East Khasi Hills ynne ka sngi da tam ko 3000 ngut kiwa dang em ya uni u khñiang deiwa em 3076 ngut.
Heiyatoh wa kiwi ki District, da e bor ya ki DC wow chim ki ya ki rai wa emkaam.
Da ong wa i daw wa ku syndet kiwa dang yoh toh neidaw wa dang yoh wow lai u wan ki bru. Wei ha kani ka Lockdown ym chah ya iwon iwon i lai ki bru hapoh ka District wa kiwa na baar ka District.
Ya i pynpoi ya iwa emkaam ki paidbah daw pynbait da ka DC, deiwa ong leh wa ym em duna ki marbaam wa emkaam wei ym toh u hær-rngu ki paidbah.
Ha kani ka Lockdown ym em khang yei lai i wan kiwa lai e tika.
