Ka seiñ Meghalaya People United Front (MPUF-EJHD) chirup wa kiwi ki chnat krehkaam yong ka, ynne ka sngi hapoh i yahkhmat u President u Kyrshan Blah da lai e yarap ki da u khoo, u syllah wa u dai cha ki 7 tylli ki manyung kiwa chong-kset ha yung (Home Quarantine) ha ka chnong Wapungskur, East Jaiñtia Hills kattu la kamwa 10 sngi.
Kini ki manyung da lai paan yarap ki na ka seiñ, wei ka seiñ dei mynsien wyrai wei sñiawlem da lai e yarap noh ko cha kini ki manyung.
U President ka seiñ da kyntu u ya kiwi ki seiñbhalang wow yarap ya kini ki manyung katwa joh i bor yong ki neibhah kattu la chiphaw sngi ym yoh ki wow lai khih lai kreh wei wa man ki kiwa im nei khih mylla sngi donhi.
Da ong u leh wa ka MPUF daw pteiñ ko wow e i chakri wei wow e yarap ya kiwi ki paidbah katwa joh i bor deiwa pynlang na ki dkhot wa kiwa kitkaam ka seiñ.
