Hadien wa ku kiwa boon kiwa chah ktah ha ka khlam COVID-19 hapoh ka District wa ka jylla waroh kawi wei da emkaam leh yei e sumaar heiyatoh wa kiwa boon ki jait chitom wa chem ki paidbah kam ka Psycho-social care, Medical related support/advice wa kiwi kiwi.
Heiyatoh wa ini, neiliang u Garod L.S.N. Dykes, Deputy Commissioner, West Jaiñtia Hills District, da kyntu u ya kiwa kreh ha i chait i khiah kiwa da chong-ngiah nadooh ki Doctor, Paramedic, Psychiatrist, Counsellor kiwa em hapoh ka District wow wan ki chaphrang wow Volunteer wow e chakri dei mon sñiawbha heiyatoh wa ka Medical/Mental Health/Psycho-social Care ya ki paidbah.
Kiwa kwah wow wan chaphrang wow e i chakri yong ki dei mon sñiawbha ye ki wow tyrwa yei pyrtuid wa kiwi ki yutip cha ka yung krehkaam u Deputy Commissioner, West Jaiñtia Hills deiwa email ha [email protected]
Chooh chooh da ong wa kiwa kwah wow yarap mon sñiawbha ye ki wow yarap deiwa yaklam wa ki bru lyngba ka Phone Consultation ha iwon iwon i por (Morning and Evening) iwa lait ki.
Ya ka yutip heiyatoh wa i por wa ki Number yong kiwa Volunteer daw pynbna lyngba ki laad pathai khubor wa ka District Website.
