Heiyatoh wa ka Total Lockdown wa da pynbna da ka sorkar ynne ka sngi neibynta waroh kawi ka East Khasi Hills kawa daw sdang nadooh 8:00 waje i miet ka 19-05-21 hadooh 5:00 waje i step ka 31-05-21, da pynmih ya kini ki kyndon ha wah deiwa pynkylla ya ka hukum kawa da pynmih chwa ha ka 15-05-21.
Ym chah wow lai kiwa napoh ka East Khasi Hills cha kiwi ki District kamjooh kiwa psiah chapoh ka District.
Waroh ki yung krehkaam ka sorkar pyrdi u man ki kiwa khang wa kynthup ya kitu kiwa da chah u wai ini wa dep.
Waroh ki yung krehkaam ka sorkar jylla lait na kitu kiwa da yoh bor wow wai lyngba ka Personnel & A.R. (A) Department lynba ka Notification No. PER.62/2020/54 ha ka 18-05-21 u chah wow wai ki kat kiwi won kiwa da dep yoh bor u man ki kiwa khang.
Ka State Bank of India, Main Branch wa ka Laitumkhrah Branch u krehkaam ki deiwa duna ki bru wakreh yow ye u pyndep yeiwa emkaam ka sorkar katwa waroh kiwi ki Bank u man ki kiwa khang.
Waroh ki Post Office u man ki kiwa khang.
Ka DC, EKH daw leh ko yeiwa emkaam yow pynyoh ya ki marbaam wa emkaam ha ki jar jiar ki dong iwa chong hei emkaam.
I leh Home Delivery ya ki kattu katni ki jait baam, i doh, ki jhoor, ki mar wa emkaam yow pynkhooid ya idæ u chah u leh ki deiwa yoh bor chwa wei katkam wa pynbait ka DC.
Ha ki kaam wa yatoh wa i yap bru u chah u em du 10 ngut deiwa yoh bor chwa na ka DC ka EKH.
Kiwa lait na kani ka hukum toh ki wakreh hei chait i khiah, ki Pharmacy, i lai i wan ki mar wa emkaam. Ki bru wa lai yei kaam wa emkaam yong ka sorkar kam kiwa em ya ka COVID-19 Duty, ki pulit, ki chipai, ki Home Guards, ki kaam bordiñ, ki kaam pynpoi um, ki kaam ka Municipal, ki kaam wa yatoh wa ki mar rachon, ki Information wa Public Relations, Telecommunication Services wa ki laad pathai khubor.
Ki yung krehkaam ka sorkar pyrdi kiwa chah u wai deiwa em du 30% ki wakreh toh ka Food Corporation of India, Doordarshan Kendra, All India Radio, India Meteorological Department, BSNL wa Shillong Cantonment Board.
Ki yung krehkaam ka sorkar jylla wa chah u wai ha EKH toh ka Meghalaya Secretariat heiwa daw pynbna katwon ngut u em ki wakreh, ka Health & Family Welfare Department, Food, Civil Supplies & Consumer Affairs Department, Chief Minister’s Secretariat, Information& Public Relations Department, Finance Department wa Home (Political) Department.
