Kat dang mih ki sngi kiwa chah ktah ha u COVID-19 ha ka ri waroh kawi dang hiar ki, wei ynne ka sngi u montri ka chnat i chait i khiah ka ri, u Dr. Harsh Vardhan da ong u wa ka sorkar da pynkhreh ko wow pyndep hadooh 25 lak tylli ki Test ha ka chi sngi.
Ynne hawa lai booddien u ya i yakhun ya kani ka khlam COVID-19 ha Safdarjung Hospital, New Delhi u Dr. Vardhan da ong u wa ynnin da pyndep hadooh 20 lak tylli ki Test iwa man iwa boon dooh wa leh chi sngi ha ka pyrthai wei ym slem de daw ye u pyndep hadooh 25 lak tylli ki Test ha ka chi sngi.
Katkam wa ong ka Indian Council for Medical Research (ICMR) da ong ko wa hadooh ynnin ka 18 tarik hapoh ka ri da Test hadooh 32 klur tam wei du ynnin da pyndep 20 lak tam ki Test.
Heijooh i por u Dr. Vardhan da kyntu u ya ki Doctor wow bood ki ya ki kyndon wa da booh ka ICMR neipor cheipor wei emkaam leh wow pynjanai yei rukom sumaar katwa dang lai ki sngi.
