Ka Thma U Rangli Juki (TUR) wa ka Workers Power of Meghalaya da e dorkhat ki cha u Montri Rangbah ka jylla u Conrad Sangma yow dawa wa ka T. 2 klur wa da booh bhah cha ki MLA yow wanrah ya ki kaam pynroi man-u snem wa da toh wow wow pynlang ka kawi donhi kawa man T. 120 klur ka wow pynemkaam noh yow phah yarap cha ki manyung wa emkaam yarap kam kiwa mylla sngi, ki wakreh yung bru, kiwa chong dukan, kiwa tyrwa dai mar cha sarok kamjooh ya ki warep.
Kani ka poisa toh u e T. 5000 ha ki ar bynta.
Ka TUR da ong ko wa ki manyung wa hap u lai khih mylla daw yap thngan ki, yoh kjut wei daw dooh wot i thaw sah.
Ini toh i por wa kini ki manyung ka Meghalaya emkaam yarap bha ki hapoh ka jylla wei man ko leh iwa toh yow pynlang ya ka poisa MLALAD wa MPLAD yow yarap u pynlait na i eh i khoo wa ki bru da hap maad ki.
Chooh chooh ka TUR da dawa ko wa 25% na ki tulop ka ki Class One Officers wa kynthup yong ki sahep ka sorkar pyrdi wa ka Tax Refund wa da leh neibynta ki IAS wa IPS Office toh u pynemkaam yow yarap su yei bai sumaar kiwa mylla sngi ha ini i por wa em ka khlam.
Da ong leh wa ini i eh wa maad ka imlang sahlang katni ym toh du hei pynbiang ya i dawai dachin tangwa da mih na i rai wa da chim ha ka synchaar khadar wa ki kaam seiñhima sima.
